FIFA ONLINE

FIFA ONLINE

العاب الفيفا
 
الرئيسيةس .و .جالتسجيلدخول
مبارك عليكم اعادة افتتاح المنتدى من جديد ونتمنى لكم الاستمتاع بكل ما هو جديد في منتدانا

شاطر | 
 

 ازاى تعرف المصري

اذهب الى الأسفل 
كاتب الموضوعرسالة
Legend
.
.
avatar

ذكر عدد الرسائل : 34
العمر : 28
العمل/الترفيه : No intertainment Work for the end of days
المزاج : Tamam 3la tooooool we coooool
الأوسمة :
نقاط التقييم : 3
نقاط : -3
السٌّمعَة : 0
تاريخ التسجيل : 14/01/2009

مُساهمةموضوع: ازاى تعرف المصري   الجمعة يناير 16, 2009 1:53 pm

بسم الله الرحمن الرحيم



- أنتا تعرف حد أسمو المصرى

ده بنى أدم من بلد أسمها مصر و بيقولو عليها أم الدنيا

- طب المصرى ده شكلو عامل أزاى :

زى الناس العاديين بالظبط

- طب انا أتعرف عليه من وسط الناس أزاى :

يووووووووه أنتا وجعت دماغى .

انا هأولك شويه مواصفات مش هتلاقيها غير عندو و بكده هتعرف تفرقو عن بقيه الناس


المصري هو اللّي :


ممكن يعدي التلاتين ولسه عايش مع أمه وأبوه وماعندهومش مشكلة






بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد




بيحط الريموت كونترول في كيس بلاستيك كعادة فرعونية




يقف يتكلم على الباب نص ساعة بعد إنتهاء الزيارة والسلام




لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد




ييجي بعد معاده بساعتين ويفتكر إن ده عادي




لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه




بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال




بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش




عنده صينية مكسرات متقسمة لتلات او أربع أقسام لزوم المزاج وعمره ماإستخدمها




بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش




بيشيل طابع البريد من على الظرف لو الختم ماكانش عليه




بيفتكر إن أي حد بيشتغل في الخليج بيغرف فلوس من غير حساب




لو ربنا كرمة و أشترى عربية جديدة فورا بيركب للكراسي فرش



طبعا غير الموبيل لازم يركبله وش جديد




لسه بيخلط بين أغنية بوس الواوا والواوا أح ، وبيفتكرهم أغنية واحدة




بيكون مشغول بقيمة التيبس أو البقشيش طول العشا ياترى ربع جنيه ولا نص جنيه




برده بيتخانق ساعة دفع الحساب بحرارة شديدة على إنه هو اللي لازم يدفع




سرقوا منه العربية بس مشكلته هي المايتي زينجر




بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا


على فكره انا كمان مصرى و أفتخر أنى مصرى

بس ده واقع مش كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
medo hob
.
.
avatar

ذكر عدد الرسائل : 48
العمر : 28
العمل/الترفيه : طالب ومستنى الفرج
المزاج : عال العال وشغاااااااااااااااااااااااااااااااال
الأوسمة :
نقاط التقييم : 2
نقاط : 0
السٌّمعَة : 0
تاريخ التسجيل : 14/01/2009

مُساهمةموضوع: رد: ازاى تعرف المصري   الجمعة يناير 16, 2009 2:09 pm

يا مواضيعك الجامده يا كبير بس لسه فى شويه مواصفات انت ناسيها
1-يبقى ماشى اوقات كتير نضيف اوى فى الشارع من بره لكن من جوه مايعلم بيه الا ربنا
2-ماشى طول الليل والنهار يتريق على خلق الله وهو فيه كل العبر
3- احلى واحد يقول كلام كبير اوى وميعملش منه اى حاجه خالص
4-ماشى طول الوقت حاطط ايده فى جيبه خايف يتسرق وهو اساسا ابيض يا ورد
5-طول الوقت عمال يقول كلام كله فشر فى فشر وهو عارف ان الناس مش مصدقاه
بس فى حاجات تانيه كمان بتخليك تعرفه من وسط مليون

كرييييييييييييييييييم اوى -طيب جدا لدرجه العبط -راجل اوى وقت مايكون فى حاجه بجد مستاهله-
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاى تعرف المصري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
FIFA ONLINE :: مجتمع :: منتدى الفكاهة-
انتقل الى: